Plantun de Prouvènço

Pèr coumpara dos planto d'encò nostre

Carum carvi & Daucus carota var. fontanesii

Càrvi

Carum carvi

Apiaceae Umbelliferae

Àutri noum : Charui, Charièi, Charuei, Chervi, Cherui.

Noms en français : Carvi, Cumin des prés.

Descripcioun :
Lou càrvi (o charui e si varianto dins lis Aup) es uno fino Apiaceae que trachis dins li prado de mountagno. La cambo èi boutisso, la racino blanco en fusèu e óudouranto, e li fueio primo, dous à tres cop divisado e penado. Li fru de 3 à 4 mm sènton bon lou cumin.

Usanço :
Lou grun (fru) de càrvi èi couneigu pèr èstre un bon sabourun, s'emplego dins d'ùni relarg pèr douna de goust i tian, froumage e aigardènt... Li fueio soun manjadisso, en Savoio n'en fasien de soupo (siècle XIXen) ; au nostre se manjavo li racino. L'òli de grun de càrvi èi bono pèr tout ço que toco la digestioun, majamen contro li doulour de vèntre. Èi bon peréu contro lou tussi e pèr faire veni lou la dins li teté.

Port : Erbo
Taio : 30 à 60 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Carum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : Vo
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Prado umido - Prado - Camin
Estànci : Mountagnard à Subaupen
Couroulougi : Éurasiatico
Ref. sc. : Carum carvi L., 1753

Girouio

Daucus carota var. fontanesii

Apiaceae

Nom en français : Carotte de Fontanessi.

Descripcioun :
Aquesto girouio trachis dins li roucas e li pelouso de baus en ribo de mar. Es uno planto proun pelouso e pulèu forto emé de fueio lusènto e proun descoupado. Li fru porton d'aguioun fin e long.

Usanço :
Es uno planto manjadisso coume la pastenargo o garroto de l'ort.

Port : Erbo
Taio : 30 à 60 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Daucus
Famiho : Apiaceae

Ordre : Apiales

Coulour de la flour : Blanco
Petalo : 5
Ø (o loungour) enflourejado : 5 à 6 cm
Flourido : Printèms - Estiéu

Sòu : Ca
Autour basso e auto : 0 à 50 m
Aparado : Noun
Remarco : Planto de coustiero
Mars à setèmbre

Liò : Mar - Roucas - Pelouso
Estànci : Termoumediterran
Couroulougi : Estenoumediterrano-Nord
Ref. sc. : Daucus carota var. fontanesii (Thell.) Reduron, 2007

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carum carvi & Daucus carota var. fontanesii

ges

Coumpara Càrvi emé uno autro planto

Coumpara Girouio emé uno autro planto